مَ نسيتَ ! الشآعرَ / عبدالرحمن القرنيْ <3

السـلآم عليكممَ <33
شخبآركمً ؟!
هالقصيدههَ مأثرههَ فينيْ حححيلّ ,
تبكينيْ ")
اترككم معهآ ")

الكلممآتَ :
إيه وفيت...
بعد كلِّ هذي السِّنين
اللِّي مضت...
واللِّي من عمري خذت،
ما سليت...
أذكرك في كلِّ وقت،
وكلِّ لحظة، وكلِّ حين،
ما نسيت...

علِّميني يا حياتي
كيف حالك والزَّواج؟
علِّميني كيف أنتي؟
كيف صرتي، وكيف كنتي؟
كيف حبِّي وحبِّ من بيته سكنتي،
هل حصل أيِّ ازدواج؟

علِّميني يالغرام...
كيف وضعه؟
كيف أسلوبه وطبعه؟
كان يعطيك اهتمام؟
كان مثلي يقوِّمك السَّاعة سبعة
للدَّوام؟
كان مثلي يطاوعك
إذا قلتي: يا حبيبي بذمِّتك
خلِّني شويَّة أنام؟

علِّميني كيف كان يعاملك؟
يبتدي يومه على ضحكة وبسمة؟
خفِّته وروحه ومزحه مثل نسمة؟
ولاَّ كان يتجاهلك؟

علِّميني كيف حبَّه والحنان؟
علِّميني كيف كان؟
كيف أشباهه ورسمه؟
كيف هي تفاصيل جسمه؟
هل حصل مرَّة غلطتي
وقلتي اسمي قبل اسمه
مثل ما كنتي مع أخوانك زمان؟!

ما نسيت...
إيه وفيت...
بعد كلِّ هذي السِّنين
اللِّي مضت...
واللِّي من عمري خذت،
ما سليت...

أذكرك في كلِّ وقت،
وكلِّ لحظة، وكلِّ حين،
ولو تظنِّيني نسيت
ما نسيت!

بقلمَ / عبدالرحمن القرنِي ")